Sia tonong non ew minafon kaeo. A wes ach ewe lesson won auchean Bible study, iei sipwene tonong pwan lon ew minafon kaeo.
Ach ei lesson epwe sosot ponuweni ei kapas eis: "Met auchean an aramas repwe kuna manaw?"
Lon booken Luke 5:31 a aiti ngeni kich pwe ew chok sokkun aramas ra need emon doctor ika sousafei: ekewe chok ir mi semwen are samaw. Nge non Luke 5:32, a awewei ngeni kich tichikin ekkei mi semwen. Ese kapas faniten semwenin futuk, nge faniten semwenin ngun. Non ititin pwe a aiti ngeni kich an Kraist ese feito faniten chon pung pwe a feito faniten chon tipis. Wewen pwe chon tipis ir kei mi semwen.
Ekkei ruu (2) wokisin ra aiti ngeni kich popun an Sises war ngeni fonufan, pwe faniten chon tipis.
Pwata Sises a war ngeni fonufan?
1. I Timothy 1:15> A allukuluk ewe kapas pwe aramas repwe fokkun etiwa o luku; Kraist Jesus a feito lon ei fonufan pwe epwe amanawa chon tipis. Ngang (Paul) emon chon tipis mi ngaw seniir meinsin.
2.Lukas 19:10> Pun noun aramas (Jesus) a feito pwe epwe kuta o amanawa ekewe chon mwalechela.
3. Matthew 1:21> Epwe nounou emon att, iwe kopwe aita ngeni Jesus, pun ii epwe amanawa aramasan seni ar tipis kana.
4. Johannes 3: 17> Pun Kot esapw tinato Noun won fonufan pwe epwe apungu fonufan nge a tinato pwe epwe amanawa chon fonufan.
Lon Lukas 5:31-32 sia kaeo fengen pwe Sises a feito pwe epwe amanawa chon tipis. Sia pwan kaeo pwe Sises ese feito faniten ekewe chon pung. Emon mi pung ese need an epwe kuna manaw.
Nge non booken Rom. 3:10 paipel a afata ngeni kich pwe ESE WOR emon mi pung.
"Usun ekewe taropwe mi pin ra apasa: 'Esapw fokkun wor emon chon pung!' "(Rom. 3:10)
Kolfel 14: 2-3: "Ewe Samol mi lapalap a nenetiw seni lang won aramas meinisin, pwe epwe kuna ika a wor emon mi mirit, ika emon mi kuta Kot. Nge ir meinisin ra tokola, ir ra ingauppok. Esapw wor emon a fori mine a pung, esap fokkun wor emon."
Rom. 3:23> "Aramas meinisin ra tipis nge ra osun ewe lingen Kot."
Usun met Paipel a pwari ngeni kich: Oukich meinisin chon tipis. Oukich meinisin chon osupwangen ewe manaw Kraist a feito faan.
Nge met popun ika auchean sipwe pwan sinei pwe kich chon tipis?
Lukas 18:9-14 a aiti ngeni kich porousen ruemon mwan. Meni me nein ekewe mwan e ekieki pwe ese wor an tipis, mei pung non manawan? esapw ewe Pharisee? Ewer aa.
Nge meni me neir e pwarata pwe ii emon mi tipis? Ewe chon takises (tax-collector).
Io me nein kei mwan a kuna pung meren Kot? Ewe chon takises.
Auchean ach esina pwe kich chon tipis, ina poputan an Kot epwene angang non netipach me manawach. Mei auchea sipwe esina, pusin pwan wenechar non manawach pwe kich chon tipis. Kich chon nom fan nemenien tipis. Kich chon fotek ren tipis.
Ach ewe kapas eis: "Met auchean an aramas repwe kuna manaw?"
Aewin ponuwan: pwe aramas meinisin chon tipis.
To be continued...